Gaano Karaming Tubig Ang Dapat Inumin sa Isang Araw?

Ang guideline na parati mong naririnig ay dapat uminom tayo ng walong baso o mga 1.9 litro ng tubig kada araw. Walang kasiguraduhan kung saan nagmula ang payo na ito - kahit pa ang lahat, kabilang ang mga doktor, ay paulit-ulit itong sinasabi. Lumalabas na walang tunay na ebidensya sa siyensya ang rekomendasyon batay sa data ng survey ng karaniwang pagkonsumo.

Ang eksaktong dami ng tubig na kailangan ng iyong katawan ay nakasalalay sa kung sino ka: ang iyong edad, kasarian, timbang, diyeta, antas ng aktibidad, at sa anong uri ng klima ang iyong tinitirhan. Lahat ito ay nakakaapekto sa kung gaano karaming tubig ang kinakailangan mo upang maging hydrated. 

Noong Pebrero 2004, ang Institute of Medicine (IOM) ay nagbigay ng mga bagong rekomendasyon sa pagkonsumo ng tubig. Ang mga bagong alituntunin ay nag-aalis sa eight-glasses-a-day recommendation, at sinasabi na ang malusog na adult ay maaaring gumamit ng uhaw upang matukoy ang kanilang mga pangangailangan sa likido. 

Ayon sa Institute of Medicine:

• Babae: 2.7 liters or 91 ounces (Higit sa 11 na baso ng likido)
• Lalaki: 3.7 liters or 125 ounces (Higit sa 15 na baso ng likido) 

Tandaan, ang mga alituntuning ito ay para sa kabuuang paggamit ng likido, kabilang ang likido mula sa lahat ng pagkain at inumin.

Sa katapusan, pinakamahusay na gamitin ang iyong sentido komun, at pakinggan ang iyong katawan. Mahusay na ideya na uminom ng tubig kapag nauuhaw ka at huwag palampasin ito.

Source: The National Academy of Medicine (NAM)